Siglir tar il cuntegn

Header

Keystone
cuntegn

Gary Moore: «Still got the blues»

Robert William Gary Moore, naschì il 1952 a Belfast, ha fatg carriera tar las bands da rock irlandaisas Skid Row e Thin Lizzy. Là era el responsabel per ils tuns da ghitarra pli dirs. A partir da l'onn 1990 ha el sa deditgà surtut al blues ed ha registrà il disc «Still got the blues», collavurond er cun Albert King ed Albert Collins. In grond success ha el cun la single cun il medem num ch'arriva schizunt en las paradas.

Tut l'istorgia ha però er ina vart difficila. Il 2001 datti in process da plagiat, e la band tudestga «Juds Gallery» pretenda che Moore haja engulà la melodia d'ina da lur chanzuns dal 1974. La sumeglientscha è frappanta e la dretgira ha dà raschun a Jürgen Winter, il manader da «Juds Gallery».

Moore ha stuì pajar in summa betg determinda, ha però adina dementì d'avair engulà sapientivamain la melodia.

Dapli da «Ina chanzun – in’istorgia»

Scrollar a sanestra Scrollar a dretga