Il schaner dal 2013 è cumpari il film «Django Unchained» da Quentin Tarantino e sco savens ha il reschissur american duvrà blera musica interessanta per si'ovra. Ina da las pli bellas truvaglias musicalas en quai film è la chanzun «Too old to die young». Cur che Tarantino ha scuvert quest toc, ha el decis da duvrar quel per «Django Unchained».
Da l'interpret devi paucas infurmaziuns. El sa numna «Brother Dege», vegn da Louisiana, e ses perdavants eran Irlandais, americans nativs e franzos. Musica da Dege Legg na devi però nagina tar nus, uschia haj jau empruvà da scriver in messadi per survegnir quest toc. Anc il medem di ha el respundì ed ha tramiss la chanzun che jau hai lura preschentà en in «Soundcheck». Ina chanzun originala, plain forza ed intensitad, sco fatga per accumpagnar in film da Tarantino.
