Siglir tar il cuntegn

Header

cuntegn

Acziun da placats en la citad da Berna – per discutar davart noss avegnir suenter corona

«A tgi vegn gidà, a tgi betg?», «Il mund suenter corona: tge avegnir vulain nus insumma?» u «Tge na duvrain nus betg pli suenter corona?» – placats cun talas dumondas pendan dapi quest'emna in l'entira citad da Berna e dattan in pau colur en la citad che para morta ora.

Tadlar

Prest 1'000 placats e forsa bainbaud anc bler dapli – quest'acziun è interactiva, pia tut ils Bernais e tut las Bernaisas pon as participar e scriver si lur contribuziun en quests dis da crisa. La finamira: Uschia less in collectiv privat lantschar ina discussiun sur da noss avegnir suenter corona. Dapli davart la vita dal mintgadi en temp dal «corona-lockdown» en la chapitala svira raquinta nossa correspondenta da la Bassa, Romana Costa ch'è stada en quarantina.