Las moffettas

Il temp n'è anc betg rivà che nus pudain constatar las emprimas terrenzlas sco che ils Ladins numnan quels flatgs senza naiv. In auditur da Sent ha observà bleras giadas in lieu senza naiv sur il vitg en plain enviern che sa numna «las moffettas». Enconuschent èn pliras moffettas sin il territori da Scuol che èn tuttas d'origin vulcanic. En quels lieus vegn ora dioxid carbonic en bassa temperatura ed i spizza da zulper. Quel gas è da tissi, paucas plantas e paucs animals supportan quel. Ils Talians numnan moffettas era ils scuncs, quels animals che spizzan terribel e portan in num che ils indigens dal Canada han dà.