Dapi intgins onns vegnan tschernids en l'entira Svizra ils pleds da l'onn per las quatter regiuns linguisticas. En talian e franzos ha gudagnà la «unda verda». En la Rumantschia è quella dentant vegnida be sin plaz trais. Era en tudestg ha gudagnà in term che reguarda l'ambient, numnadamain «Klimajugend». Ils Rumantschs però han in agen pled: il luf.
Franc ch'il return dal luf en noss conturns sveglia emoziuns. Ma gia pli baud era quest animal fitg impurtant en Grischun. Quai vesain nus cun ils toponims e las modas da dir. Quants che vegnan a passar il pass dal Wolfgang per ir al WEF l'emna che vegn e na remartgan betg il vegl passadi da luf!
