Il chalender inditgescha oz il sontgischem num da Maria, in firà betg cumandà. Ma il «Calender per mintga di» da las valladas renanas inditgescha per il chalender refurmà l'onomastic «Gioder», la furma rumantscha dal num Teodor. En Surselva enconusch'ins bain quel num importà dals Gualsers, p.ex. en Sursaissa.
In Gioder era stà uvestg a Sion en il Vallais ed è anc oz il protectur da quel chantun. Ma l'emprima associaziun faschain nus Rumantschs cun l'ovra en vers scritta da Giachen Hasper Muoth l'onn 1886 che fascinescha enfin oz.