Siglir tar il cuntegn

Header

audio
Chasper Pult.
RTR Guadench Dazzi
laschar ir. Durada: 05:36 minutas.
cuntegn

Bregaglia

Tadlar
Download

Damaun vegn tschernì il successur da la presidenta communala da la vischnanca fusiunada da la Val Bregaglia. Anna Giacometti è vegnida tschernida en il Cussegl naziunal ed ha perquai decis da chalar sco «sindaca». Quai ans dat la chaschun d'ans occupar per ina giada da questa vallada dal Grischun talian ch'è zunt interessanta gist per nus Rumantschs.

La lingua uffiziala e da scola è il talian, ma ils Bregagliots tschantschan il «bargaiot», in dialect da l'Italia dal Nord che cuntegna però plirs elements rumantschs e schizunt tudestgs sco il brona u il vasciùs (Waschhaus). Gia dapi l'onn 46 s.C. è documentada ina populaziun cun num «Bergalei» ed en il 9avel tschientaner la «vallis Pergalliae».