Siglir tar il cuntegn

Header

cuntegn

Nossa cuschina «Sco pura sun jau libra en mes mintgadi»

Brida Haefele-Berther è pura a Wittenbach en in chantun Son Gagl. Il mais da zercladur raquinta ella tar RTR da ses bain Schönenhofen e parta cun nus tschintg da ses recepts.

Creschida si è Brida Haefele-Berther en il manaschi puril da ses geniturs a Rabius. Ella ha fatg l’emprendissadi da cusunza da decoraziun interna ed era la scola da puras. Dapi trais onns e mez lavura ella ensemen cun ses um Christian, la sira ed il sir sin il bain da famiglia. La pitschna figlia dad in onn e mez è savens en uigl ed ha gugent tractors.

Da noss bain avain nus vista sin il Lai da Constanza ed il Säntis.
Autur: Brida Haefele-Berther

Sin il bain da la famiglia datti vatgas lactantas, vadels e biffels d’aua per la tratga da charn. Plinavant cultiveschan els spelta pura (Urdinkel) e passa 400 pumers. Els racoltan maila, primblas, tschareschas, cudogns u nuschs. Brida Haefele-Berther è la responsabla per il marketing e cun la vendita directa porscha ella er paira tosta, ieli da nuschs u aschieu.

Il pli gugent cuschin jau cun noss agens products.
Autur: Brida Haefele-Berther

Cun ses recepts presenta la pura da 31 onns tschintg propostas per las tschaveras dad in di.

Per l’ensolver che dat forza fin ad ina tschaina cun ina spaisa tipic sursilvana en sia versiun da Schönenhofen dovra Brida Haefele-Berther products dal bain a Wittenbach.

RTR Nossa cuschina 10:15

Artitgels legids il pli savens