La gronda flaivlezza da las mascras da taila è tar il filter. Ellas na filtreschan betg las particlas pitschnas, ils erosols. Quels daguts che han ina grondezza da be in micrometer (in milliavel millimeter). Ed er tar il test cun liquid han quatter dad otg mascras da taila laschà tras il liquid. Quai na correspunda era betg als criteris da test.
Percunter vai meglier da fladar tras la mascras da taila. Quai deriva dal fatg ch'il filter n'è betg uschè ferm. Ed ina protecziun da basa porschan er las mascras da taila, malgrà ils resultats da test betg propi cuntentaivels.
Las mascras medicinalas / d'igiena per duvrar be ina giada èn in pau meglras perquai ch'ellas ston gia dapi onns correspunder a criteris pli severs. Cunzunt sch'ellas vegnan vendidas sco mascras medicinalas.