Nus Rumantschs possedain intginas chanzuns da la Passiun fitg custaivlas. Insatge dal pli indigen insumma da noss chant popular:
- Eis ei pusseivel, Tuttavia meriteivel,
- O Crusch sil crest plantada,
- Sut la crusch la mumma steva,
- Denton che Jesus tut plagaus.
Gion Antoni Derungs ha tschentà quellas per chor. Dasperas datti era anc cumposiziuns pli novas per quest temp dal patir e murir da Jesus Cristus. Alvin Muoth e sia Veia da la crousch cun il Pater noster sco chant d'entrada ed il Stabat mater sco conclusiun.
L'Artg musical spezial porta quests chants rumantschs munids cun litteratura chantica ed orchestrala dal grond mund (Pergolesi, Mozart, Mendelssohn, Mascagni, Rossini, Fauré, Messenet).
