Per nus RumantschAs muntan chant e musica identitad. Promover, tgirar e collectar quai è ina finamira. Dapi 35 onns fa RTR quai en atgna reschia. Bain in motiv da guardar enavos? E gist quai fa il «Artg musical».
Sut il titel «Nostalgia» purtain nus en ina segunda part registraziuns dals onns 1988 fin 1991 e quai cun furmaziuns pitschnas, gruppas e cun solistas e solists. Nus udin: Werner Frey cun sia arpa, Alexi e Marcus, Peder Rizzi cun sia flauta da pan, Linard Bardill, Semi-Dixie-band, Quartet dubel da la Scola chantunala Cuira, Soras Scherrer, Uniun d'harmonicas Cadi, Gion Lechmann-Brass-Quartet, Alvin Muoth e Claudio Simonet, Paolo Vignoli ed Esther Sialm, Pia Deplazes e Gion Antoni Derungs.