Domenic Janett, il virtuos clarinettist da Tschlin e ses cumpogn, il pianist Rudolf Lutz, ina corifea da la musica da St. Gallen – dus maisters sin lur instruments. Els dus èn da chasa en la musica populara, classica e surtut en limprovisaziun. E gist en quellas trais spartas han els fascinà lauditori ils 4 doctober 2020 a Sent, là en la bella baselgia da San Lurench. RTR ha registrà quel concert cul titel: La chatscha, Die Jagd – Das Konzert in der Tonart der fünften Jahreszeit. Da quest concert cun plain surpraisas musicalas porta lArtg musical parts. E quai cun la moderaziun originala fatga da Ruedi Lutz e cun las istorgias da chatscha raquintadas da Domenic Janett.
Redacziun: Giusep G. Decurtins