Mes tattoo, mia istorgia – Pierin Barenius

Pierin Barenius, il giuven da 17 onns, na porta betg be ina sort art sut sia pel, mabain ina regurdientscha d’in mais dolurus. El ha numnadamain pers la mamma ed il tat entaifer curt temp. Per ses tattoo ha el cumbinà la scrittira da sia mamma cun ina part dal text d’ina chanzun da ses tat. In sguard sin ses bratsch mussa in viadi emoziunal tras l'amur, la perdita e la forza da la regurdientscha.