Sport e scolaziun sut in tetg

Tuttina quant talent che ina giuvna u in giuvan ha en ses sport: la scolaziun na d’astga betg vegnir emblidada. Per che atlets pon tuttina cumbinar lur ambiziuns sportivas cun la educaziun datti en Svizra differentas pussaivladads da scolaziun. Ma tge èn quellas e quant grev èsi da cumbinar scolaziun e sport?

La seria Finamiras mussa ils temas che fatschentan mintga giuven atlet sin ses viadi vers sias finamiras. En 4 episodas avain nus discurrì davart las sfidas da Gian Andri Bolinger (15 onns da Zuoz), Gino Stucki (18 onns da Flond), e Fabiana Wieser (23 onns da Sent).