Avant insaquants dis avain nus pudì leger il prenum Abundi en ina annunzia da mort. In anteriur collega m'ha dumandà, tge num che quai saja. Oz respundain nus ina dumonda dad in auditur che vuless enconuscher la derivanza dal num da schlattaina Bundi che ha ina lunga tradiziun en Surselva.
Tuts dus nums derivan dal prenum latin Abundius, plitost rar en nossas regiuns. Grazia a l'uvestg da Como Abundius che ha perstgisà l'absenza da l'uvestg da Cuira a la sinoda da lonn 451 per scrit, savain nus che l'emprim uvestg enconuschent grischun sa numnava Asinius. E tgi che ha legì il roman «I promessi sposi» na vegn betg ad emblidar il Don Abbondio.
