Crap Fraissen

L'augsegner Flurin Camathias da Laax è naschì avant 150 onns e quest giubileum vegn festegià cun bleras occurrenzas. Dacurt è stada la preschentaziun d'in cudesch voluminus e multifar che ans regorda la vita e l'ovra dal poet sursilvan. Tranter sias var 1000 poesias èn varsaquantas ch'èn daventadas bunamain imnis per la Rumantschia, pensain a «Fontaunas clar resunan» u «La ligia grischa» e cunzunt «La sera sper il lag» ch'ha fatg il gir en tut il mund. En ina da sias poesias declera in buob ad in mat gidanter la legenda dal Crap Fraissen, in bloc erratic ch'è situà sur il Lai da Laax, e da quel vulain vulain nus discurrer oz.