La Svizra n'ha gì naginas colonias, tuttina ha ella profità e fatg part a l'explotaziun. Ils fastizs dal temp colonial vesan ins anc ozendi en blers lieus da la citad da Berna. Betg tuts èn uschè evidents sco la «Mastergnanza dal mor», la «Colonial Bar» u la statua d'in retg da guerra african ch'è entant vegnida enzugliada. Ina charta da la citad virtuala maina tras las giassas da Berna e mussa en 30 localitads in connex rassistic u colonial.
Ma, ussa datti critica envers questa charta virtuala. Ella na saja betg avunda scientifica.
