271 milliuns persunas han l'onn 2017 prendì drogas, quai tenor il rapport da l'ONU. Anc mai han uschè bleras persunas consumà drogas. Congualà cun l'onn 2009 è quai in plus da bunamain 30%. Ni ditg auter: 5,5% da la populaziun mundiala ha consumà drogas l'onn 2017.
Era la producziun da tschertas drogas è s'augmentada. L'onn 2017 è per exempel vegnì producì enturn 2'000 tonnas cocain. Quai è 25% dapli sco anc l'onn avant. La producziun da opium sco era da drogas da designer èn percunter idas enavos.