Passentar l'entira vita davos mirs, cun in ritmus sever, senza relaziun d'amur – danor quella cun Dieu. Daventar mungia, quai n'è oz betg pli il siemi da dunnas giuvnas. Auter era quai durant il temp medieval: Quella giada era ina vita en Claustra in'opziun attractiva per bleras dunnas.
Il Museum naziunal a Turitg raquinta uss l'istorgia da quellas dunnas: L'exposiziun cun il titel «Nonnen. Starke Frauen im Mittelalter» cuzza anc fin ils 16 d'avust.