Bedrich Smetana era in cumponist tschec da la romantica che pudess festivar quest onn ses 200avel natalizi. L'Artg musical dat in sguard sin l'um che vala er sco fundatur d'in stil da musica naziunal tschec.
Gia cun quatter onns ha el gì instrucziun da violina e clavazin. In concert a Prag da Franz Liszt ha intgantà el uschè ferm ch'el ha vulì daventar musicist. Il 1856 ha el bandunà sia patria per motivs politics. Tschintg onns pli tard è Smetana returnà e restà a Prag. Là è el s'engaschà fermamain per il moviment naziunal da la Tschechia.
Si'ovra la pli enconuschenta è «Die Moldau» or dal ciclus sinfonic «Mein Vaterland».