Igl è in di d'october grischun sco blers auters er, cun lareschs mellens e tschiel blau – e dad in mument sin l'auter n'è nagut pli uschia sco avant. Amez la vita dad Uorschla Rupp e sia famiglia en Val Müstair explodescha in conflict internaziunal. Lur figl vegn mazzà en in attentat cun bumba en l'Indonesia, a Bali. In desaster.
Onns pli tard raquinta la mamma, co ch'ella ha fatg a surviver e co ch'ella va enturn cun la tema. Ina tema, che n'ha betg be tutgà destins individuals, ma er in pajais entir, l'Australia. Urs Wälterlin, correspundent da radio e televisiun en l'Australia, descriva il trauma collectiv che ha tutgà l'orma dad in pajais.