In auditur dumonda la derivanza da quella chasa e prà dador Strada e Val Tschaflur davant Martina en la vischnanca da Tschlin, nua che sa chatta oz l'archiv cultural da l'Engiadina Bassa. Jau n'hai betg chattà ina resposta, ma pertge che blers pleds portan la desinenza -atsch po vegnir declerà facilmain.
Il suffix latin -ACEU ha ina funcziun pegiurativa, co che nus vesain cun dir in'auratscha a la trid'aura, precis sco en talian «un tempaccio». Blers toponims han quella desinenza, pensain be a quants pradatschs che existan. I dat perfin ina vischnanca en Bregaglia che sa numna Casaccia.