Era quest «Da num e da pum« emettain nus en directa dal giubileum da la fundaziun da la Lia Rumantscha a Zuoz che finescha cun in grond bal.
Ils Engiadinais san far festa, ma sche «Ils Fränzlis da Tschlin» sunan finalmain anc ina giada per in bal n'èn els betg pli da tegnair! La musica proverbiala era vegnida fundada da Fränzli Waser (1858-1895) e fin ozendi fan quellas melodias grond plaschair a giuven e vegl. Fränzli era il surnum da Franz-Joseph Waser e da surnums tracta er nossa emissiun. En discussiun cun Ballamann da Zuoz (Daniel Badilatti) scuvrin nus ils misteris da blers surnums.