Siglir tar il cuntegn

Header

audio
Mariano Tschuor, autur
RTR Claudia Cathomen
laschar ir. Durada: 58 minutas 45 Secundas.
cuntegn

Mariano Tschuor – Dieu exista

Daco crai jau? Quai èn ils emprims pleds, ina dumonda, che Mariano Tschuor scriva en sia introducziun dal cudesch «Gesegnet und verletzt – mein Glaube, meine Kirche».

Naschida è ina cronica persunala, in'istorgia d'emancipaziun cun tut las mancanzas. Ina biografia cun staziuns, nua che Mariano Tschuor è vegnì benedì e blessà.

«Jau crai, perquai ch'jau sun persvadì ch'i dat insatge transcendent che nus numnain Dieu, di Mariano Tschuor ch'è creschì si en Surselva. Blers onns ha el lavurà tar SRF e RTR sco schurnalist, producent, moderatur, schefredactur ed er sco directur da RTR. Uss è el president da la cumissiun da medias da la Conferenza dals uvestgs Svizzers.

Benedì è el vegnì en tut quels muments entaifer la famiglia, da nozzas, battens u craismas – en relaziuns cun carstgauns ch'han dà perditga da lur cardientscha cun viver la charezza proximala. Benedì dentant er fitg savens, cura ch'el è persul en la meditaziun.

Blessà plitost, cura che l'instituziun baselgia ha prendì il pled, ha decretà, denunzià, exclus ina part da la carstgaunadad. Persunalmain ha Mariano Tschuor sentì quai sco schurnalist, sco correspundent da SRF a Cuira, nua ch'igl ha dà muments en connex cun l'uvestg Haas ch'el na vuless betg pli ch'els vegnan repetids.

Dapli da «Vita e cretta»

Scrollar a sanestra Scrollar a dretga