Oz è l'onomastic per tut ils Rudolfs u Ruduolfs u Raduolfs. Quel num frequent en tudestg sco Ruedi exista en rumantsch en bleras variantas curtas: Dolf, Duosch, Dusch ed era Duff. Ussa chapin nus nunspetgadamain che la schlattaina Caduff a Castrisch ed en Val Lumnezia signifitgescha «la chasa da Rudolf». Ma era ils Cadoschs, Dolfs, Rüedis e Tufflis derivan dal num d'origin tudestg che deriva da «Hruod-Wolf» e munta «glorius sco in luf».
Per in auter fatg che schabegia quest glindesdi en la Schöllenen remartgain nus, ch'i dat ad Andeer ed a Puntraschigna duas «punts dal diavel» en Grischun.
