Chanzuns van sin viadi, d'in continent a l'auter, e cumparan en versiuns novas. In bel exempel è in toc dal cumponist e chantadur franzos Charles Trenet. El ha gì l'idea per sia chanzun gia cun 12 onns, però pir bler pli tard ha el finì sia cumposiziun. Il bel semperverd «La mer» è lura cumparì il 1946 e descriva en moda melancolica ils differents moviments da la mar. Il medem mument datti er ina versiun englaisa en ils Stadis Unids, interpretada da Jack Lawrence e quella porta lura il titel «Beyond the sea» ed è ina chanzun d'amur. Pero pir il 1959 daventa la chanzun in success mundial, en la versiun da Bobby Darin, in cumponist, multiinstrumentalist, chantadur, actur ed entertainer naschì il 1936 a New York e mort il 1973 cun be 37 onns. Per el è quai il pli grond success da sia carriera ed el è daventà famus sin tut il mund.
Bobby Darin: «Beyond the sea»
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter