Siglir tar il cuntegn

Header

audio
Chasper Pult.
RTR/G.Dazzi
laschar ir. Durada: 5 minutas 37 Secundas.
cuntegn

Il mais da matg

Download

La notg da la Walburga è passada, las buccarias sgolan enturn, il mais da matg è arrivà. Ier è stà Calondamai – pervia dal gieu da pleds pon ins duvrar quest'expressiun er per exprimer mai pli mai, ils Rumantschs n'enconuschan betg il sontg tudestg St. Nimmerlein.

Matg è il mais da Nossadunna, ma era da las flurs. Ils Romans festegiavan la Floralia en onur da la deessa Flora. Da vegl ennà laschavan ils purs il muvel or da stalla, blers gievan sin ils culms, apunta sin ils misès che correspundan al tudestg «Maiensässe». Tgi sa sch'il matg vegn ad esser uschè setg sco l'avrigl? Meglier fiss dentant il cuntrari sco che di la regla da l'aura surmirana: «Vainsan plievgia igl matg, sche vainsan daners daton»

Redacziun: Chasper Pult

Dapli da «Da num e da pum»

Scrollar a sanestra Scrollar a dretga