Siglir tar il cuntegn

Header

audio
CharliesNames
laschar ir. Durada: 3 minutas 42 Secundas.
cuntegn

La sfida da chattar nums per uffants

Ina da las sfidas grondas per blers geniturs vegnents è la tschertga da nums per il pop u la poppa. Sper las opziuns classicas, cudeschs da nums u far glistas, datti er apps che duain gidar da decider schi duai dar in «Gian» u plitost ina «Brittney».

Ina da quellas apps è «CharliesNames», svilupada d'in pèr ch'aveva bregia d'anflar in num per lur emprim uffant.

L'app porscha la pussaivladad da selecziunar il gender da l'uffant e nua ch'ils nums duain esser populars, per exempel en Svrizra, u Germania. Ins po schizunt entrar in segund prenum u il num da famiglia per vesair co il num va a prà cun il rest. Silsuenter pon ins stritgar dretg u sanester sch'il num plai u betg. Analog a Tinder. Ils nums sa tschentan lura en ina glista da favurits.

La gronda fermezza da l'app è ch'ins po sa colliar cun il partenari u la partenaria. Lez u lezza fa il medem e tschertga ils nums che plaschan ad el u ella. Han omasdus elegì il medem num, datti in «match».

Decider il num ston dentant a la fin anc adina ils geniturs.

Dapli da «Il Digitip - il tip digital»

Scrollar a sanestra Scrollar a dretga