Nek: «Laura non c'è»

Il festival da chanzuns a San Remo attira er il 1997 in grond public, e 14 milliuns aspectaturas ed aspectaturs vezzan a la televisiun la victoria dal duo «Jalisse». Lur chanzun ha pero suenter pauc success ed il duo sparescha. Il grond star daventa in auter chantadur: Filippo Neviani, alias Nek. Cun sia chanzun «Laura non c'è» riva el be sin la 7avla plazza, pero quella fa la pli grond'impressiun tar il public. Il protagonist è ensembel cun sia amanta, pero sa regorda da sia anteriura relaziun cun Laura che è anc adina preschenta. «Laura non c'è» riva en bleras paradas e sa venda milliuns giadas, er en autras versiuns sco «Laura no está», «Laura is away» e «Laura ist fort».