La fin d'emna passada è stada a Cuira la Concurrenza svizra dals chors. En trais lieus han ils chors preschentà lur program da 12-15 minutas ad ina giuria d'expertas e d'experts. Igl è in pensum pretensius da giuditgar ils numerus criteris. Las chanzuns èn numnadamain fitg differentas.
L'emissiun sa focussescha sin ils otg chors en la categoria «elita». Ensemen cun ils dirigents Jachen Janett e Clau Scherrer tadlain nus intginas da lur chanzuns e discutain las sfidas da commembras e da commembers da la giuria per giuditgar las preschentaziuns dals chors. Ha il chor elegì las dretgas chanzuns? Cun tge fermezza vul la furmaziun persvader?
Durant duas uras emprova l'Artg musical da respunder a talas e bleras autras dumondas. Era Vus pudais surpigliar ina giada la rolla d'experta u d'expert.