Amez las festas da Pasca, che vegnan passentadas quest onn en maniera zunt differenta che auters onns, inditgeschan ils chalenders protestants oz il di dal num per Leo u Liun en rumantsch.
En quests dis stuain nus esser vinavant ferms sco in liun, avair in cor da liun u in curaschi da liun. Ma er il proverbi engiadinais «Giat in praschun dvainta liun» ans dat da ponderar en quests temps excepziunals. El ans vul render attent che la privaziun da la libertad pudess render agressivs er animals prus e chasans sco il giat. Sperainsa vinavant che nus reusseschian da surventscher questas sfidas. Buna Pasca tuttina!
