Atschalina ed Arard

Da temp en temp datti dumondas areguard nums che èn pelvaira spezials. Uschia ha in auditur dal Surses fatg lenconuschientscha dad ina signura che ha num Atschalina e che pretenda che quest prenum saja rumantsch. El exista atgnamain en la glista da prenums, cun in referiment al num masculin Atschal. Tar la derivanza però datti in segn da dumonda. Er la dunna giuvna en speranza che vuleva eventualmain dar num a ses figl Arard avess tschernì in num fitg rar, ella ha dentant chattà ina alternativa che satisfa la mamma ed il bab.