Siglir tar il cuntegn

Header

audio
RTR, Linus Livers
laschar ir. Durada: 3 minutas 34 Secundas.
cuntegn

In'èra va a fin en l'Ustaria Sontga Clau

Lustaria sontga Clau a Rueun è vegnida bajegiada enturn ils 1880. Dus frars Valaulta han bajegià quella chasa, ina chasa da duas famiglias.

Toni Cavigelli da Domat e ses frar Hubertus Cavigelli da Glion, els dus en creschids si en quella chasa nua che lur mamma Rosa è stada blers onns ustiera. Els han manegia che la chasa sontga Clau saja il pli probabel stada dapi l'entschatta ina ustaria. Era ha Toni Cavigelli raquintar la istorgia dal anteriur policist che aveva ses biro en chasa s.Clau.

Gia lentschatta dil 20avel tschientaner era Rueun ina staziun impurtanta cun il spartavias encunter Siat, Pigniu, Vuorz ed Andiast. Gest per questa raschun han era ils novs possessurs la BEFA GMBH enturn Fabian Baikhardt da Cuera cumprà quella chasa. Els en persvas che Rueun, cun sia buna purschida da traffic public, è quasi aglomeraziun da Glion agì bunas schanzas per abitaziuns el segment favuraivel da laschar a tschains.

Quai che munta che i na vegn betg pli a dar ina ustaria en questa chasa. Norbert Dermond in dals anteriurs possessur deplorescha che quella èra da lustaria va a fin. Dapi dus onns agen els empruvà da vender questa chasa, cun prioritad sche insatgi faschess vinavant lustaria, mo adumbatten. La èra dal lieu da sentupada per in e scadin el sontga Clau a Rueun quella è ussa definitiv a fin.

Dapli da «Total local»

Scrollar a sanestra Scrollar a dretga