L'exposiziun «Der erschöpfte Mann» en il Museum naziunal svizzer a Turitg sa deditgescha als differents ideals eroics dals umens ed a la virilitad en la crisa.
Il guerrier Achilles, spussà da la battaglia, luschenumnà Dieu da ballape Zinédine Zidane a la pauc bella fin da sia carriera, Johnny Depp che bragia. Tut en tut ovras d'art or da dus millennis istorgia culturala europeica, che stattan en stretg connex cun quels ideals – e cun il naufragi da l'um en quest reguard.
Vita e cretta ha visità l'exposiziun cun il curatur Stefan Zweifel e ha dumandà ad el, sco che l'ideal masculin è sa midà entaifer ils davos tschientaners, tge che l'um ha emprendì da ses sbagls cun il temp. E – tge rolla che la dunna ha.