Ftan en Engiadina Bassa è ina fracziun da la vischnanca da Scuol. La vita cultural-musicala è detg viva en quest vitget cun sias ca. 600 persunas. Per la 3. dumengia d'advent han la Società da musica (dir. Jon Armon Strimer), il Cor masdà (dir. Duri Janett) ed ils giuvenils da la scola da musica (manader Rupert Seidl) envidà ad in concert communabel. La baselgia da Ftan è stada emplenida cun in auditori attent ed engraziaivel. La plevonessa Marianne Strub ha manà tras il program. RTR ha registrà il concert e porta parts da quel. Munì vegn quest concert cun discurs fatgs cun trais exponents da la cultura musical ad Ftan: Jon Pitschen Caprez, Jon Armon Strimer e Duri Janett.
Advent a Ftan
L'Artg musical ha visità Ftan e registrà là il concert d'advent.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter