Siglir tar il cuntegn

Header

audio
Philipp Tuor
RTR, Claudia Cathomen
laschar ir. Durada: 58 minutas 2 Secundas.
cuntegn

Philipp Tuor «Il studi da psicologia m'ha avert pussaivladads»

Download

Avant ch'el aveva la plazza sco psicolog da scola ha Philipp Tuor lavurà sco cussegliader da clamada e professiun, sco avugà uffizial u sco cussegliader da clamada e professiun tar l'assicuranza d'invaliditad. Ma partì en la vita professiunala è Philipp Tuor cun in emprendissadi sco electromontader.

L'emprim onn da l'emprendissadi saja stà dir per el, di Philipp Tuor. E perquai eri suenter l'emprendissadi cler da tschertgar insatge auter. La via ha manà el en l'internat da la Scola speziala Plankis a Cuira. Ma pli simpel che durant l'emprendissadi n'èsi betg vegnì ils proxims onns.

«La meglra decisiun è stà il studi da psicologia, quai m'ha avert pussaivladads.»

Durant praticums e studi èn trais dals sis buobs naschì ch'el ha ensemen cun sia dunna. Il medem mument ha el cumprà ina chasa veglia a Trun Darvella ed ha bajegià ora tut sez. Ed ultra da quai ha Philipp Tuor er anc dà concerts cun il Cerchel musical da la Surselva. Co chel ha fatg tut quai, na sa el sez betg.

Dapli da «Profil»

Scrollar a sanestra Scrollar a dretga