• Quai è il lieu nua che vus chattais ils pli novs resultats dals World Skills, istorgias enturn noss candidats rumantschs ed in sguard sin tge che curra e passa dasper la concurrenza.

Mo ils megliers emprendists svizzers han la schanza da sa mesirar cun emprendists d'auters pajais. Dus dad els èn Riet Bulfoni da Scuol, mecatronist d'autos, ed Irina Tuor da Breil, spezialista per la sanadad (FaGe). Els fan part da la delegaziun Svizra als World Skills che cumpiglia 38 candidats.