Siglir tar il cuntegn
Inhalt

WEF WEF: Nagins permiss da demonstrar a Tavau pervi da la blera naiv

La vischnanca da Tavau ha decidì da betg lubir demonstraziuns durant il WEF – quai ord mancanza da plaz pervi da la blera naiv.

Tavau cun ina via plain naiv davant.
Legenda: Pervi da la naiv na datti nagins permiss da demonstraziun durant il WEF. Keystone

A Tavau na vegni a dar naginas demonstraziuns durant il WEF. Pervia da la situaziun extraordinaria cun la naiv ed uschia la mancanza da plaz ha la suprastanza da Tavau decidì da refusar la dumonda da demonstrar da la Juso, la PS ed ils Verds. Quai communitgescha la vischnanca.

La vischnanca accentuescha però ch'i saja impurtant ch'il dretg da demonstrar e da la libra opiniun vegnia vivì a Tavau. Ils ultims onns sajan tut las dumondas vegnidas lubidas er durant il WEF. Il Forum mundial d'economia cumenza damaun e dura fin venderdi, ils 26 da schaner.

RR novitads 14:00