Siglir tar il cuntegn
cuntegn

WEF 2017 «Entant che jau sun qua, salvan mes collegas vitas ad Aleppo»

A Tavau vegn discurrì da la guerra – ad Aleppo èsi guerra. Ed amez la guerra èn ils White Helmets ch'emprovan da salvar vitas. Lur manader Raed Saleh è dentant stà intgins dis al WEF.

Il manader da las chapellinas alvas Raed Saleh al WEF a Tavau.
Legenda: Raed Saleh Il manader da las chapellinas alvas al WEF a Tavau. Reuters

L'organisaziun White Helmet ha dacurt survegnì in premi nobel alternativ per lur engaschi umanitar en Siria.

Ils White Helmets, las chapellinas alvas, quai èn numerus voluntaris che han la finamira da proteger la populaziun da la Siria. Lur manader Raed Saleh ha per insaquants dis mess da la vart la chapellina per ir al WEF a Tavau.

Dentant, sco el di, betg per forsa survegnir daners dals ritgs e pussants, ma per mussar ad els co che la populaziun en Siria pateschi. Aleppo saja sblundregià. Dieschmillis da fugitivs sajan ordaifer dad Aleppo sin il pajais – senza protecziun, senza in tetg sur il chau e pateschan fraid. Durant ch'el saja qua a Tavau, sajan ses collegas vidlonder da salvar vitas.

Saleh cun il certificat.
Legenda: Il premi nobel alternativ per ils White Helmets - ceremonia da surdada ils 25 november 2016 en il Wasa Museum a Stockholm. Keystone