Siglir tar il cuntegn
cuntegn

WEF Macron en la mascra

Schefs e schefas da stadi stattan al Forum mundial d'economia (WEF) in per giadas davant ina camera. Per cuvrir colurs e glischurs nungiavischadas, dovri in zic puder. La cosmeticra Renata Quinter da Domat ha al WEF il penel enta maun.

Il president da la Frantscha Emmanuel Macron ha tegnì in pled al WEF. Suenter ses pled en la chasa da congress èsi i vinavant tar in’intervista. Per quella ha il puder stuì vegnir refrestgentà. Quai ha el fatg tar Renata Quinter. Dentant seser giu e giudair ditg n'ha il president betg pudì. Suenter ina minuta è tut stà fatg.

Curt avant che Emmanuel Macron è vegnì, è la tensiun stada gronda.
Autur: Renata QuinterStylista
Emmanuel Macron cun Renata Quinter a dretga.
Legenda: Emmanuel Macron cun Renata Quinter a dretga. MAD

Il president da la Frantscha saja stà fitg amiaivel ed haja laschà enavos ina bun’impressiun tar Renata Quinter. El haja derasà in’energia che haja prendì en tut la stanza, di ella. Cun il temp s'endisian ins da vesair e smincar tants prominents. E la fin finala sajan quai era mo carstgauns.

RR actualitad 17:00