Siglir tar il cuntegn
cuntegn

Votaziuns 2015 Taglia d'energia enstagl taglia sin la plivalur

L'iniziativa vul introducir ina taglia sin purtaders d’energia betg regenerabels e stritgar la taglia sin la plivalur.

Cundrizs solars ed in mulin da vent.
Legenda: L'iniziativa vul garantir l'uschènumnada "svieuta energetica". Keystone

Arguments dals aderents

  • L’iniziativa procura finalmain per giustia tar las chaschunadras ed ils chaschunaders e per transparenza dals custs tar l’energia ed uschia garantir la vieuta d'energia.
  • Las consumentas ed ils consuments vegnan distgargiads da la taglia sin la plivalur malgista ed il consum ecologic vegn remunerà finanzialmain.
  • L’iniziativa rinforza las interpresas innovativas ed augmenta la valurisaziun en Svizra.

Arguments dals adversaris

  • Experiment privlus per la politica da finanzas da remplazzar la taglia sin la plivalur.
  • La taglia sin energia chaschunass pretschs fitg auts per l'energia.
  • La strategia d'energia 2050 maina pass per pass a la vieuta energetica, l'iniziativa vul far la vieuta cun il palfier.

Recumondaziuns dal parlament

Il Cussegl federal ed il parlament recumondan da refusar l'iniziativa dal pievel.

  • Il Cussegl naziunal ha refusà l'iniziativa cun 171 cunter 27 vuschs senza abstenziuns.
  • Il Cussegl dals chantuns l'ha refusà cun 40 cunter 3 vuschs e 2 abstenziun.

Parolas da las partidas

  • Gea: Verdliberals, Verds
  • Na: PBD, PCD, PPS, PS, EDU, EVP

Dumonda da votaziun

Vulais Vus acceptar l’iniziativa dal pievel "Taglia sin l'energia empè da la taglia sin la plivalur"?