Siglir tar il cuntegn
Inhalt

Votaziuns dals 30-11-2014 Lescha generala davart la refurma dal territori

Cun 62,6% è la maioritad da las vuschs per la lescha generala davart la refurma dal territori detg gronda. 33'537 persunas han votà gea, 20'021 persunas han votà na.

Grafica grischuna dals resultads da la votaziun «Refurma dal territori».
Legenda: Grafica grischuna dals resultads da la votaziun «Refurma dal territori». RTR

La cussegliera guvernativa Barbara Janom Steiner sa mussa fitg satisfatga dal cler resultat. Cun ina maioritad da 62 % gea a la lescha saja quai in cler signal da cuntinuar sin questa via, ha ditg Janom Steiner ad RTR.

Il resultat mussia che la populaziun grischuna saja pronta per refurmas e veglia realisar ellas. Quai cun dir duas giadas gea a dus projects chantunals gronds ed impurtants (28-09-2014 gulivaziun da finanzas, 30-11-2014 refurma dal territori).

Ils proxims pass

L'emprim da schaner 2016 entra en vigur la refurma dal territori. Las 11 novas regiuns ston ussa sa constituir fin lura, uchia Janom Steiner.

Legende: Video Resultats e reacziuns tar la refurma dal territori abspielen. Laufzeit 05:42 Minuten.
Or da Telesguard dals 30.11.2014.

Dals totalmain 39 cirquits dian 29 gea a la lescha da basa. Ils na's derivan en spezial dals cirquits sisum la Surselva, l'Engiadin'Ota, il Mesauc ed il Partenz.

41,9% da las votantas e dals votans han dà giu lur vusch.