Siglir tar il cuntegn
Inhalt

Votaziuns 25-11-2018 Sutpassadi a Domat – votants ston decider a l'urna

Ils 25 da november decida la populaziun da la vischnanca da Domat davart in nov sutpassadi sper la staziun da viafier. La finamira da quel è da colliar meglier las vias en il center da la vischnanca. A l'urna decidan ils da Domat davart in credit da 7,5 milliuns francs.

Legende: Video Sutpassadi a Domat – ils 25 da november decida il suveran abspielen. Laufzeit 02:34 Minuten.
Or da Telesguard dals 07.11.2018.
Ozendi è la barriera serrada per sis uras a di. Il futur – cun l'amplificaziun da l'urari da tren – anc pli ditg!
Autur: Erich Kohlerpresident communal Domat

Ils binaris spartan Domat gia dapi il 1896 en duas parts. Per ir d'in maun a l'auter ston ins ir sur ils binaris sper la staziun. Il Cussegl communal da Domat propona da construir in sutpassadi che duess colliar la Plazza staziun cun la Via da Munt. La finamira è da crear in traffic current per autos, velocipedists e peduns. Il sutpassadi duai evitar colonnas, sco quai ch'i dat uss mintgamai cura ch'in tren charrescha tras Domat. Per peduns e velocipedists duaja dar in vial separà. In sutpassadi pudess evitar il temp da spetga avant la barriera.

Quai [il sutpassadi] n'è nagina soluziun per il futur. Igl è simplamain la varianta bunmartgada.
Autur: Pius Federspieladversari dal project sutpassadi

Betg tuts èn intgantads da la soluziun preschentada dal Cussegl communal. L'adversari Pius Federspiel è da la l'avis ch'in sutpassadi saja la varianta pli bunmartgada, ma betg la meglra per soluziun a lunga vista. Per critica procuran er las dimensiuns dal tunnel. La ladezza dal tunnel planisada da 5,20 meters na saja betg largia avunda, uschia l'avis dal adversaris. Er auters adversaris preferissan soluziuns pli radicalas, sco da metter ils binaris sut terra ni ord vischnanca.

Sch'ils votants e las votantas da Domat approveschan ils 25 da november il sutpassadi en il center dal vitg èsi quintà da cumenzar cun las lavurs l'atun 2019. Tenor il messadi communal fissan quellas fiss il sutpassadi fini fin la primavaira 2019.

RR Telesguard 17:40