Siglir tar il cuntegn

Header

audio
Bunura: Pro & Contra – Lescha per survegliar assicurads socials
Or da Actualitad dals 07.11.2018.
laschar ir. Durada: 3 minutas 27 Secundas.
cuntegn

Votaziuns PRO & CONTRA: Detectivs socials

Quantas cumpetenzas duain detectivs survegnir? Precis sur da quella dumonda decidain nus ils 25 da november. Ils detectivs socials duain survegnir ina basa legala per observar persunas segiradas che vegnan suspectadas da malduvrar l'assicuranza. Tgeninas èn las raschuns per e cunter – Ina survista.

Lescha per survegliar assicurads socials

PRO
CONTRA
Nus stuain cumbatter il maldiever da las assicuranzas. E perquai dovri er ils meds adattads.Ils detectivs na duain betg survegnir dapli cumpetenzas che la polizia. Cun quest midament fiss quai però il cas.
Igl è impurtant che las cumpetenzas per ils survegliaders vegnan definiadas concretamain. E quai fiss il cas cun la lescha.Cun il midament survegnan las assicuranzas bler memia blera pussanza. Quai na dastga betg esser.
Cun quai ch'il maldiever po vegnir constatà pli bain cun la nova lescha,
crescha era l'acceptanza per la prestaziun da las assicuranzas ed il
sistem da solidaritad davostiers.
La sfera privata da las persunas segiradas vegn disturbada massivamain,
sche la lescha vegn adattada. Mintgin ha il dretg sin ina sfera privata.

Detectivs socials duain pudair observar e survegliar persunas che retiran ina renta d'invaliditad e vegnan suspectadas da far maldiever da l'assicuranza. Tranter auter duain ils detectivs pudair far diever da sondas da GPS.

Surveglianza en Grischun

Tenor la statistica da l'Assicuranza d'invalids (AI) han il 2017 radund 4'700 persunas retratg ina renta dad AI en Grischun. Sco quai che Thomas Pfiffner, manader da l'Uffizi da l'AI, ha declerà envers RTR, ha l'uffizi laschà examinar durant il 2017 41 cas pervi da suspect da fraud ubain abus d'assicuranzas. Tranter quels cas eran schebain persunas che retiravan gia ina renta sco er da quellas che avevan dumandà per ina renta. En 14 da quels 41 cas è il suspect vegnì confermà. Per consequenza èn rentas vegnidas sistidas, reducidas ubain refusadas. Cun quai èn in terz dals suspectads vegnids observads giustifitgadamain e dus terzs senza raschun.

RR actualitad 07:00

Artitgels legids il pli savens