Tuts encunter Degiacomi

Entant maina la cursa per il terz sez en la suprastanza da Cuira Patrik Degiacomi (PS). Be per paucas vuschs (308) n'haja betg tanschì ad el per vegnir elegì en l'emprim scrutini. Però ils burgais n'han anc betg dà si la cursa.

La suprastanza da Cuira na es anc betg cumpletta

Legenda da maletgs: La suprastanza da Cuira na es anc betg cumpletta RTR

Las partidas burgaisas (PPS, PBD, PCD, PLD) na vulan betg laschar gudagnar ils socialdemocrats la cursa. Els han sperà ch'i dettia in segund scrutini. Uss na dovri betg pli la maioritad absoluta. Per gudagnar dovr’ins en il segund scrutini las pli bleras vuschs. Perquai decidan ils burgais il glindesdi bun’ura communablamain tgi ch'els vulan trametter enavant en la cursa per la suprastanza da Cuira.

Ils dus candidats cun las pli paucas vuschs han gia dà si la cursa: Beath Nay che ha candidà senza partida e l'unica dunna, Salome Mathys dals verdliberals.

Gia reelegids èn vegnids Urs Marti da la PLD e Tom Leibundgut da la glista libra. Urs Marti resta era president da la chapitala grischuna.

RR Novitads 06:00