Dischoccupaziun en il Grischun sa reducescha vinavant

En il Grischun è la quota da dischoccupaziun sa reducida il matg sin 2,0%. Cumpareglià cun l’avrigl è il dumber da persunas senza lavur uschia ì enavos per 297 sin 2517 persunas, quai resulta da las novas cifras da l’Uffizi per industria, mastergn e lavur dal Grischun.

Gasettas cun annunzias per plazzas.

Legenda da maletgs: L'avrigl muntava la quota da dischoccupaziun anc a 3,5% Keystone

La pli auta quota da dischoccupaziun han registrà la gastronomia (915), il sectur da construcziun (211) sco er il transport (138). Il matg han 6 interpresas cun 55 collavuraturs introducì lavur curta. L’avrigl eran quai anc 10 interpresas cun 47 collavuraturs.

En l'entira Svizra è il dumber da dischoccupaziun sa reducì il matg sin 3,3%. L'avrigl muntava la quota anc a 3,5%, communitgescha il secretariat statal per economia SECO.

gr Dumber da dischoccupads: Cliccar sin ils onns per activar e deactivar las lingias per cumparegliar la dischoccupaziun da differents onns.

Dumber da reducescha il quart mais en seria

Cunquai è la dischoccupziun ida enavos il quart mais en seria. Fin la fin da matg eran registradas 144'778 persunas tar ils centers regiunals per l'intermediaziun da lavur RAV, quai èn 4762 damain ch'il mais avant. Cumpareglià cun il matg da l'onn passà è il dumber da dischoccupads però creschì per 8429 persunas.

Tar ils giuvenils tranter 15 e 24 onns è la quota sa reducida per 6,4% sin 16'723. Cumpareglià cun il medem temp dal 2015 correspunda quai però ad in plus da 2,3%.

RR novitads 08:00