Siglir tar il cuntegn
cuntegn

2018/06/10 Ussa ha Medel puspè in president: Rico Tuor

Purtret da Rico Tuor.
Legenda: Rico Tuor daventa nov president da la vischnanca da Medel. RTR, Linus Livers

Cun 165 vuschs è vegnì elegì Rico Tuor (Curaglia) sco president communal da Medel. Persunas singulas han rimnà total 27 vuschs. Medel aveva ditg gì nagin ch'è sa mess a disposiziun per il post sco president da vischnanca. Ina cumissiun è dentant sa fatga a la tschertga e Rico Tuor è suenter lung temp stà pront da candidar.

Ultra da quai ha la populaziun da Medel elegì Tabea Baumgartner nov en suprastanza (142 vuschs) e reelegì Gabriel Venzin en la suprastanza (191 vuschs). Omadus èn da Curaglia.

RR novitads 13:00