Siglir tar il cuntegn

2018/06/10 PBD Grischun di Gea a la lescha da gieus per daners

Cun gronda maioritad di la PBD dal Grischun Gea a la lescha da gieus per daners. Plinavant han els annunzià la parola Na a l'iniziativa dal daner cumplain. Sco la partida scriva, han ils delegads decis quai gievgia saira a Zizras.

Cartas melnas da votar da la PBD.
Legenda: La radunanza da delegads è stada gievgia saira a Zizers (maletg da simbol). Keystone

Na a l'iniziativa da daner cumplain

Ils delegads da la PBD èn unanim cunter l'iniziativa da daner cumplain. Cunquai suondan ils delegads a las explicaziuns dal candidat per il Cussegl Grond Stefan Joos. Sco lez haja mussà, saja l'iniziativa in experiment ristgà. L'iniziativa periclitass l'independenza da la banca naziunala e pudess chaschunar pli auts custs dad ipotecas e credits.

Gea a la nova lescha da gieus per daners

Cun 32 cunter 12 vuschs èn ils delegads s'exprimids per la parola Gea a la lescha da gieus per daners. Ils delegads èn suandads als arguments dal cusseglier guvernativ Jon Domenic Parolini: La nova lescha mainia vinavant il sistem da controllar ils gieus per daners.

RR novitads 09:00