Siglir tar il cuntegn

2018/06/10 La mesadad da las vischnancas ha dumbrà fauss

La segunda dumbraziun da las vuschs da Jon Domenic Parolini (PBD) e Walter Schlegel (PPS) ha mussà che mintga segunda vischnanca aveva tramess fauss resultats al chantun.

Dus mauns che sorteschan scrits da votaziuns ed elecziuns.
Legenda: Maletg simbolic: Mintga segunda vischnanca ha tramess fauss resultats al chantun. Keystone

Mintga segunda vischnanca grischuna n'aveva betg dumbrà endretg las vuschs da Jon Domenic Parolini (PBD) e da Walter Schlegel (PPS) tar las elecziuns da la regenza ils 10 da zercladur. Sco quai che las gasettas Bündner Tagblatt e Südostschweiz rapportan, haja la segunda dumbraziun da las vuschs purtà en 54 da 108 vischnancas auters resultats che suenter l'emprima dumbraziun.

Tenor il vice-chancelier dal chantun Walter Frizzoni, saja quai dentant en il rom. In'elecziun saja pli cumplexa ch'ina votaziun. Entant che Parolini aveva la dumengia anc 68 vuschs dapli che Schlegel, resultan suenter la segunda dumbraziun mo anc 31 vuschs dapli per Parolini – ch'è uschia reelegì.

RR novitads 06:00