Siglir tar il cuntegn

Votaziuns federalas Retschertga Tamedia – No Billag perda vinavant sustegn

La segunda retschertga da la Tamedia davart l'iniziativa No Billag mussa, che 61% dals dumandads votassan actualmain cleramain u plitost cunter l'iniziativa. Quai èn 2% dapli ch'anc il schaner.

Center da producziun da televisiun cun visurs e computers.
Legenda: Maletg simbolic. Keystone

L'iniziativa «No Billag» perda vinavant sustegn. Tenor la segunda retschertga da Tamedia schessan il mument 61% dals votants «na» u plitost «na» a l'iniziativa che vul abolir las taxas da radio e televisiun. Quai èn 2% dapli ch'en l'emprima retschertga da Tamedia il schaner. In cler «na» schessan tenor la retschertga 59%, e 2% votassan plitost in «na».

La cumpart che schess «gea» a l'iniziativa è sa reducida sin 36%, e 2% schessan il mument plitost GEA. Il pli pauc sustegn survegn l'iniziativa da las dunnas e da persunas sur 65 onns. La gronda part dals simpatisants da l'iniziativa No Billag sa chattan en la Svizra tudestga.

Vinavant grond sustegn per nov urden da finanzas

Il nov urden da finanzas vegniss acceptà tenor la retschertga cun 59%. Sulettamain 20% dals dumandads votassan actualmain cunter il nov urden da finanzas.

Retschertga Tamedia

A la retschertga online da Tamedia èn sa participadas il 1. da favrer 2018 en tut 17'067 persunas:

  • 11'882 da la Svizra tudestga
  • 4'232 da la Svizra franzosa
  • 953 dal la Svizra taliana

RR novitads 07:00